Tarbuj Sheti: चार एकरात 50 टन टरबूज, शेतकऱ्याचा 7 लाखांचा नफा; यशस्वी शेतीचे रहस्य

Tarbuj Sheti: साक्री तालुक्यातील आष्टाणे गावातील शेतकरी कमलेश सोनवणे यांनी रब्बी हंगामात पारंपरिक पिकांना बाजूला ठेवून टरबूज लागवडीचा यशस्वी प्रयोग केला. त्यांनी चार एकर शेतात टरबूज पिकवून 50 टनांहून अधिक उत्पादन घेतले आणि तब्बल 7 लाख रुपयांचा निव्वळ नफा कमावला. हे यश केवळ मेहनतीचे नाही, तर शास्त्रशुद्ध नियोजन, कमी खर्चात जास्त उत्पादनाची रणनीती आणि बाजारपेठेची योग्य निवड यांचा परिणाम आहे.

Mango nursery solapur: सोलापूरच्या शेतकऱ्याची यशोगाथा; आंबा नर्सरीतून दरवर्षी 7 लाखांची कमाई

कमलेश यांनी चार बाय सहा फूट अंतरावर बेड तयार करून मल्चिंग पेपरचा वापर केला. त्यांच्या शेतात आधीपासूनच ठिबक सिंचन यंत्रणा होती, त्यामुळे लागवडीचा खर्च कमी झाला. विशेष म्हणजे, त्यांनी रोपे तयार करण्याऐवजी थेट बियाणे टोकण पद्धत वापरली. यामुळे रोपे तयार करणे, त्यांची वाहतूक आणि लावणी यावरील खर्च वाचला. या पद्धतीमुळे उत्पादनाचा वेळ आणि खर्च दोन्ही कमी झाले, हे त्यांच्या प्रयोगातून स्पष्ट झाले.

Tur Bajarbhav 4 July: शेतकऱ्यांनो, ४ जुलै २०२५ रोजी तुरीला सर्वाधिक दर कुठे मिळाला? वाचा सविस्तर

चार एकर टरबूज लागवडीसाठी त्यांनी फक्त दीड लाख रुपये खर्च केले. योग्य नियोजन आणि वेळेवर फवारणीमुळे फळांचा दर्जा उत्तम राहिला. फळांचे सरासरी वजन 2 ते 4 किलो होते, तर काही फळे 6 किलोपर्यंत वजनाची निघाली. स्थानिक बाजारपेठेऐवजी त्यांनी मुंबई, दिल्ली आणि राजस्थानमधील व्यापाऱ्यांशी थेट संपर्क साधला आणि 17 रुपये प्रति किलो दराने टरबूज विकले. या थेट विक्रीमुळे दलालांचे कमिशन वाचले आणि शेतकऱ्याला उत्पादनाचा जास्तीत जास्त फायदा मिळाला. एकूण 8.5 लाख रुपयांचे उत्पन्न मिळाले, त्यातून खर्च वजा जाता 7 लाख रुपयांचा निव्वळ नफा हाती लागला.

Jambhul Sheti Mahiti: मधुमेहासाठी रामबाण असणाऱ्या जांभळाची शेती करण्याची अनोखी पद्धत! कमवा लाखो रुपयांचा भरघोस नफा

टरबूज हे उष्ण हवामानातील पीक आहे. त्याच्या वाढीसाठी योग्य हवामान, पाण्याचे नियोजन आणि कीडनाशकांचा वापर आवश्यक आहे. अवकाळी पावसामुळे अडचणी आल्या, पण कमलेश यांनी वेळेवर कीडनाशके आणि फवारणी करून नुकसान टाळले. शेतीत मेहनत जितकी महत्त्वाची आहे, तितकेच शास्त्रशुद्ध व्यवस्थापनही गरजेचे आहे, हे त्यांनी दाखवून दिले.

पारंपरिक पिकांमध्ये एकरी उत्पादन मर्यादित आणि दर कमी मिळतात. मात्र, कमलेश यांनी कमी कालावधीत, कमी श्रमात आणि कमी खर्चात भरघोस उत्पन्न मिळवून शेतीत नवे यश मिळवले. त्यांचा हा प्रयोग इतर शेतकऱ्यांसाठी प्रेरणादायी आहे.